សេចក្តីប្រកាសព័ត៌មានស្តីពីការទទួលស្គាល់កម្មវិធីប្រតិបត្តិករសេដ្ឋកិច្ចបានទទួលការអនុញ្ញាតទៅវិញទៅមកក្នុងបណ្តាប្រទេសអាស៊ាន (AAMRA)
នៅថ្ងៃទី២៣ ខែតុលា ឆ្នាំ២០២៣ អគ្គនាយកដ្ឋានគយនិងរដ្ឋាករកម្ពុជា បានចេញសេចក្តីប្រកាសព័ត៌មានស្តីពីការទទួលស្គាល់កម្មវិធីប្រតិបត្តិករសេដ្ឋកិច្ចបានទទួលការអនុញ្ញាតទៅវិញទៅមកក្នុងបណ្តាប្រទេសអាស៊ាន (AAMRA) បន្ទាប់ពីរដ្ឋបាលគយនៃបណ្តាប្រទេសជាសមាជិក បានចុះហត្ថលេខា កាលពីថ្ងៃទី១៩ ខែកញ្ញា ឆ្នាំ២០២៣។
AAMRA គឺជាការព្រមព្រៀងមួយគ្មានចំណងគតិយុត្តដើម្បីទទួលស្គាល់កម្មវិធីប្រតិបត្តិករសេដ្ឋកិច្ចបានទទួលការអនុញ្ញាតទៅវិញទៅមកក្នុងចំណោមប្រទេសជាសមាជិកអាស៊ាន។ ការព្រមព្រៀងនេះបានផ្តល់កិច្ចសម្រួលពាណិជ្ជកម្មបន្ថែមជូនធុរជន ដែលត្រូវបានទទួលស្គាល់ថាជាប្រតិបត្តិករសេដ្ឋកិច្ចបានទទួលការអនុញ្ញាតក្នុងបណ្តាប្រទេសអាស៊ាន ស្របតាមស្តង់ដារក្របខណ្ឌសុវត្ថិភាពរបស់អង្គការគយពិភពលោក ព្រមទាំងរួមចំណែកសន្តិសុខនិងសុវត្ថិភាពនៃខ្សែច្រវ៉ាក់ផ្គត់ផ្គង់សកល។
អគ្គនាយកដ្ឋានគយនិងរដ្ឋាករកម្ពុជា
